Osomabhizimusi abaphila ngokuthenga lokuthengisa ngaphandle kwelizwe bamukele ngenjabulo isithembiso esethulwe nguhulumende sokuthi uzalungisisa imithetho ezakwenza kube lula ukuthi baqhube umsebenzi wabo njalo kwehliswe inkinga ababhekana lazo.
Lokhu kuphume emhlanganweni owenziwe ngosomabhizimusi abaphila ngokuthenga lokuthengisela phandle abako Bulawayo labequla lengatsha zikahulumende. Leli qula belikhokhelwa ngumphathintambo obona ngobudlelwano lamanye amazwe, umnumzana Sibusiso Moyo othi uhulumende uzimisele ukusebenza ndawonye labosomabhizimusi.
“Siyazi kulokuthandabuza phakathi kwabo somabhizimuzi ikakhulu nxa bekhangele iRBZ kumbe uhulumende.Kodwa lokhu ngeke kusise ndawo,ngakho njengabantu banye kumele sikhangele injongo yethu njengesizwe ukuze sibe lozomnotho owenza kuhle,ukuze lani lenze kuhle kumabhizimusi.Njengohulumende sizimisele ukuba asisoke sifake imithetho ezaba yimigoqo kumabhizimusi enu.”
Osomabhizimusi abakade besemhlangagweni lo, bachaze abafuna uhulumende akwenze ukuze baqhube kalula ibhizimusi lamanye amazwe.
Umnumzana Similo Nkala owenhlanganiso eqoqe lumhlangano eyeZim Trade uchasisa injongo yawo.
“I workshop le ebesilayo yiExporters Breakfast, we wanted to give ama exporters i platform to engage ama relevant policy makers.Besilo Minister of Foreign Affairs leRBZ, they wanted to have information from exporters ukuthi bakwanise ukuthengisa amaproducts abo.”
Unkosikazi Thoko Ndlovu obemele iTrigger Group of Companies koBulawayo uthi bathole ulwazi olungabanceda ekuqhubeni umsebenzi wab.
“Ngibuye kule i seminar ukuthi ngizwisise okwenzakalayo,ukuthi kusincedise njengoba si exporter.Thina njenge Trigger Group we are keen ukuthi si exporter kuAfrica Region ngoba ama products esiwenzayo ngasetshenziswa yi every household.Sifisa ukuthi sizwisise ama policies asefakiwe ukuthi asincedise thina esifuna ukuthi sikhulise ama exports.I seminar le i cover izinto ezinengi ezizasincedisa ukuthi siqhubeke sikhulisa i economy yeZimbabwe.”
Unkosikazi Christabel Nyakonda wenkampani yeScandier Steel and Wire uthi umhlangano lo usize ukuba bazi okunye abakade bengelalwazi ngakho okwenziwa nguHulumende.“Iseminar le isisizile ukuthi sizwe ezinye indaba akade singazazi ngokuthi uhulumende ubeseyenzeleni ama exporters.Bathi bayazama but besifisa ukuthi nga basenzele more ukuthi sisebenze kubelula kube ngcono .”
Osomabhizimusi ababona ngokuthenga lokuthengisela phandle kwelizwe abakade besemhlanganweni lo, bonke bavumelene ukuthi bathole ithuba lokuxoxisana labogatsha lukahulumende, befaka izikhalazo zabo.
Uhulumende yena ngakucele lakhe uthembisile ukusebenza ndawonye labosomabhizisi. Abathengisela ngaphandle bakhanye bethakazelela leli nyathelo likahulumende ukuba bathole ithuba lokuxoxisana, bazame njalo ukuletha intuthuko kwezomnotho welizwe.
