Uhulumende useyethule uhlelo lokwehlisa ubuyanaga oluthiwa ngesilungu yi Interim Poverty Reduction Strategy oluzafuna imali engamadola angamabhiliyoni amabili lambili, $2.7 billion.
Umphathintambo wezenotho, uMnu. Patrick Chinamasa, wethule loluhlelo ngoMvulo eHarare uthe sekutholakale imali eyizigidi ezingamakhulu amane, $423 million eyokuphathisa ngokulima.
UChinamasa uthi imali esitholakele ekufezeni inhlelo ezikuhlelo lolu isifika kuzigidi ezingamakhulu ayithoba minwe mibili, i$800 million.
Inhlanganiso ephathisa amazwe ngemali, eye International Monetary Fund yafaka imigoqo yokuthi ilizwe lisungule uhlelo lwe Interim Poverty Reduction ukuze yenelise ukuphathisa ilizwe ngemali.
Le yimgoqo ephiwa amazwe wonke ayabe efuna ukuphathiswa. Kodwa ingcwethi ecubungula ezomnotho welizwe, uMnu. Rejoice Ngwenya uthi kaboni uhulumende esenelisa ukufeza loluhlelo ngoba usehlulekile kwezinye inhlelo ezokuvuselela umnotho welizwe ezifana le ZIMASSET.
"Imanifesto ye Zanu PF ka 2013, iZIMASSET, imid-term policy, konke kuqondane lokuthi ubuyanga buyehliswe kodwa yikukhuluma nje kuphela ngoba nxa ama bank esebenza, i-industry isebenza abantu belemisebenzi akulabuyanga obukhona," kutsho uNgwenya.
