Lanxa uhulumende esithi usesungule ihlandla lesibili lokwabela abalambayo ukudla, abanengi bathi abazange bathole lutho kuhlandla lakuqala njalo bathi kumele uhulumende abele umuntu wonke ukudla ngoba indlala ibhokile elizweni lonke jikelele.
Umphathintambo obona ngokwethulwa kwemibiko uMnu Jenfan Muswere wazise ukuthi phansi kohlelo olutsha lolu, uhulumende uzaphathisa abantu abedlula kancane izigidi eziyisithupha, 6,2 million ngokudla.
Phansi kwehlandla lakuqala waphathisa inani elifanayo.
Uhulumende uthi abantu abadinga ukuphathiswa ngokudla eZimbabwe yonke jikelele bayizigidi eziyisitshiyagalolunye, 9 million, njalo kudingeka amabhiliyoni amathathu amadola eMelika ukuphandela abantu laba ukudla.
Isiphathamandla senhlanganiso esebenza lozulu wemaphandleni enyakatho yeMandebeleni eyeRural Communities Empowerment Trust uMnu Vumani Ndlovu utshele iStudio 7 ukuthi uhulumende kumele engeze futhi ukudla akupha abantu ngoba kulutshwane kakhulu.
Forum