Umahluli omkhulu uJudge President Rita Makarau sekhuthaze uhulumende womanynao ukuthi alondoloze njalo ahloniphe imithetho yelizwe.
Ekhuluma ngoMvulo emkhosini wokusungula ukuqala umsebenzi kweHigh Court lonyaka eZimbabwe, uNkosikazi Makarau uxwayise uhulumende ukuthi eqakathekise inhlalakahle yabahluli ukuze kwenqatshelwe ukusilela kwabo elizweni.
Usole kakhulu ukusilela kwabahluli elizweni jikelele esithi lokhu kubangela ukuthi amacala amanengi acine sethatha isikhathi eside engathoniswanga. Uthe isabelo semaNdebeleni yiso esibhekane lohlupho lolu ukwedlula ezinye zonke izabelo zelizwe.
UNkosikazi Makarau wengeze wathi uhulumende kumele ahloniphe ilungelo loluntu njalo angangeneli ekuthonisisweni kwamacala ethulwa emithethwandaba.
Igqwetha uMnu Josphat Tshuma utshele uNtungamili Nkomo weStudio 7 ukuthi ngempela kuyadingeka ukuthi uhulumende ehloniphe imithetho yelizwe yikho ukuthi lalabo abafuna ukuvula amabhisimusi elizweni baze bekhululekile.
