Iziphathamandla zikahulumende womanyano zithi indlala yalonyaka izangesikhathi uhulumende engazimiselanga njalo engalamali yokuthengela ukudla labo abangasoze bavune lutho lonyaka.
Zithi uhulumende kazange afake imali kuluhlu lokusetshenziswa kwemali yelizwe iBudget yalonyaka yokuphandela uzulu ukudla emazweni.
Ziphinde zathi kumele kuqaliswe ukuhlolisisa umumo wamabele eMatabeleland, eMasvingo le Midlands lapho izilimo esizitshile ngenxa yokuswelakala kwezulu.
Loba iStudio 7 yehlulekile ukukhuluma lomphathintambo oboba ngezenhlalakahle kazulu uNkosikazi Paurina Gwanyanya Mpariwa iziphathamandla lezi zithi ugatsha lwezokulima soluqalisile ukuhlolisisa amabele emasimini endaweni zonke zelizwe ukwenzela ukuthi kubonakale ukuthi linganani inane labantu elizafuna ukudingelwa ukudla.
Ingcwethi kwezokulima uMnu. Mandla Nkomo uthi inhlanganiso ezizimeleyo kumele zicelwe ukuthi zincede abakhangelane lendlala eZimbabwe loba uhulumende elwisane lezinye ngezombusazwe.
