Uhulumende weZimbabwe usesungula uhlelo lokwakhela abantu izindlu phansi kwesihloko esithi 'Zakhele indlu yakho’ ngehloso yokutholisa uzulu izindlu ezedlula kunkulungwane ezingamakhulu amathathu kusiya fika umnyaka ka 2018.
Embikweni oluwethulele abezindaba ugatsha lwentuthuko yezabelo lamadolobho luhle lwanxusa abalesifiso sokuthola umsebenzi wokucenta amagusu ukuze lumsebenzi uqalise.
Kodwa inhanganiso zezakhamuzi zith azila themba ngemisebenzi enje. Umnumzana Mfundo Mlilo wenhlanganiso yezkhamizi eye Combined Harare Residents Association uthi lokhu yikuyenga abantu nje kuphela.
Umnumzana marvelous khumalo wenhlanganiso ye Chitungwiza Resident Trust- CHITREST uthi noma imizamo kahulumende iqakathekile njalo imele yamukelwe kaboni ekwenelisa lokho akuthembisayo.
UMlilo uthi uhulumende uvele nguye olomsebenzi omkhulu wokuba etholise abantu izindlu okuyinto enhle kodwa uthi sikhuluma kanje uhulumende wazisa ngalumsebenzi engakhulumanga labo bonke abantu okumele bancedakale ngalolu hlelo abagoqela inhlanganganiso zabo kunye lozulu.
Embikweni walo ugatsha lokuthuthukiswa kwamadolobho lezabelo luthi sokluthatha leli nyathelo ngehloso yokusiza uzulu kulandela ukwanda kobudlwangudlwangu lokuqilibezelwa kwabantu ngababizwa ngokuthi ngama land barons, ama khopa kanye labacenta umhlabathi abathatha izimali zabantu bebatshiye bengatholanga izindlu.
Uhulumende uthi loluhlelo luzadinga ukuba labo abafuna izindlu bebhadale imali yakhona ibe yiyo ezasebenza ukulungisisa izitanda uhulumende yena enikeza umhlabathi.
UKhumalo kodwa uthi akukacaci njalo kungethembeki okwenzakalayo. Ibandla le Zanu PF kuziqondiso zalo ze Zimasset lithi lifuna ukutholisa abantu izindlu ezedlula ikulungwane ezingamakhulu amathathu kusiyafika uMpalakazi womyaka ka 2018.
Umphathintambo wentuthuko yezabelo lamadolobho uMnumzana Saviour Kasukuvere ubonakale kunsukwana ezisanda kwedlula ehamba lequla labadabuka eChina besethekelela imizi efana le Caledonia efuna ukuba bebone ukuthi bangaphatheka kumisebenzi yokulungisisa indawo lezi njani.