Uwisa ezimathonsi ugogo ofelwe zinkomo zonke eziyisitshiyangalombili kwasala amathole amabili kuphela ngemva kokudla ukudla kwezifuyo okwaziwa ngokuthi yi'Nhapi Tapi 98 okulungiswa yinkampani yeFivet akuthenge koBulawayo.
UNkosikazi Zodwa Dube, ohlala epulazini leKenbank, eMguza, uthi wafika esitolo efuna ukuthenga isikuba avame ukusithenga kodwa waphiwa ukudla okulomuthi obizwa ngokuthi yiUrea, oyiwo obikwa ubulele lezinkomo.
I-Urea kumele iphiwe izifuyo ngesilinganiso esiphansi njengesawudo hatshi ukudla-kudla.
UNkosikazi Dube utshele iStudio 7 ukuthi udabukile kakhulu ngoba inkomo lezi bekuyizo inotho yakhe. Uthi ufuna inkampani yakoFivet imbisele inkomo zakhe.
Inkampani le yona yethule umbiko isithi isaphenya.
Ingcwethi kwezokulima uMnu Mandla Nkomo uxwayise abafuyi ukuthi baqaphele ukudla abakupha izifuyo zabo.
Forum