Ugatsha olubona ngezemali lubikwa lwale ukuboleka ibhanga elikhulu lelizwe iReserve Bank of Zimbabwe imali yokubhadala ezinye zezikwelede zalo.
Ibhanga leli libikwa lisanda kubhalela lolugatsha licela izigidi ezinhlanu zamadola eMelika ukwenzela ukubhadala amankampani asefuna imali yawo ngokutshetsha.
Bathi lelibhanga licele njalo imali yokubhadala izisebenzi okumele zigunyulwe yiRBZ.
Ibhanga leli ladala izikwelede ezesabekayo ibandla le Zanu PF lisabusa lodwa ikakhulu ngesikhathi lilungisa imali yamabearers cheques.
Ingcwethi kwezenotho uMnu. Bekithemba Mhlanga uthi ugatsha lwezemali belungeke lwanika iRBZ imali njengoba uhulumende engelamali.
