Osekhethwe ukuba ngumongameli weMelika uMnu. Donald Trump ubikwa ezakhetha uSenator Marco Rubio weFlorida ukuthi abe ngumabhalane kahulumende wakhe, okutsho ukuthi uzakuba ngowakuqala owohlobo lwesi Latino ukuthi aphathe isikhundla esibaluleke kangaka.
Lokhu kuvezwe liphephanda le The New York Times izolo ntambama.
Ngemva kokunqoba kunkundla ye Senate, ibandla leRepublican Party libikwa seliseduze lokuthola izihlalo ezedlula eze Democratic Party ku House of Representatives njalo sokusele ezilitshumi lane kuphela ukuthi impumela yalolokhetho icace ibisimenyezelwa.
Ngakwelinye icele, uMnu. Ruben Gallego webandla le Democratic Party usenqobe uMnu. Kari Lake weRepublican Party njalo usengu Senator wakuqala ongum Latino esabelweni se Arizona. Ama Republicans aselezihlalo ezingamatshumi amahlanu lantathu ku Senate, ama Democrats ezingamatshumi amane lasikhombisa; 53 ka 47.
Ukuze sihlaziye loludaba lokunengi okwenzalayo uMnu. Trump elungiselela ukungena esihlalweni, sixoxe loMnu. Thembelani Dube, ingcwethi ecubungula ezombusazwe, engumsekeli kamgcinisihlalo we board ye Rural Communities Empowerment Trust.
Forum