UMumzana Gabriel Chaibva obeku National Executive Committee yebandla le Movement for Democratic Change (MDC-M) elikhokhelwa nguMnumzana Arthur Mutambara usehlamukele ibandla leli wayangena kubandla leZanu PF.
U Chaibva ubhalele uMnu. Gibson Sibanda ongumgcinisihlalo webandla leli embikela ukuthi kasekho kubandla le MDC, esethesa ibandla leli umlandu wokuba lenkethabatshabi ngokusebenzisa ukuthi MDC-M.
Uthi kavumelani lokuthi ibandla lisebenzise isibongo njengoba leli libizwa ngendimi yesibongo sikaMutambara.
UMnu. Renson Gasela umsekeli wesikhulumeli salelibandla utshele uGibbs Dube we Studio 7 ukuthi u Chaibva ube vele selesikhathi esebenzela iZanu PF ngenhliziyo emhlophe kusukela nyakenye.
