UMongameli Joseph Biden wakweleMelika uthi uzakwenza kube lula ukuthi anike intambo zombuso owayengumongameli uMnu. Donald Trump ngoZibandlela ngomnyaka ozayo.
UBiden wethule umbiko lo namuhla esigodlweni sikamongameli eWhite House kulandela ukunqoba kuka Trump kukhetho oluqhutshwe ngoLwesibili.
UBiden uthi kulesikhathi sokunqoba lokunqotshwa kukhetho.
Uphinde wathi ukhetho luqhutshwe ngemfanelo.
UBiden ukhangelelwe ukuba uzanika intambo zombuso uTrump njengalokhu okumunyetwe yisisekelo sombuso welizwe.
Ududuze abakubandla lama Democrats abanqotshwe kukhetho lolu.
UTrump, okhangelelwe ukuba uzangena esikhundleni sikamongameli ngoZindlela wetheswa umlandu yokwala ukwamukela impumela yokhetho olwaqhutshwa ngomnyaka ka2020.
Lokhu kwenze abasekeli bakhe bengene ngodlame edale leCongress lapho ababefuna ukuvimba ukubalwa kwama Electoral Votes.
Forum