UMnu. Sengezo Tshabangu owaxotshisa amalunga ebandla leCitizens Coalition for Change edale lephalamende uthi nguye yedwa ozakhetha abazancintisa kukhetho lwama by-elections oluzaqhutshwa mhlaka 7 Mpalakazi.
UTshabangu utshele iStudio 7 ukuthi uselamagama abazancintisa kukhetho lolu njalo labazangena kudale lephalamende kusetshenziswa okuthiwa yi-proportional representation.
Uthi bazajeziswa abazakwenza intando yabo kukhetho lwama by-elections oluzaqhutshwa ezigabeni phose ezilitshumi lapho axotshisa amalunga edale lephalamende.
Ibandla leCCC lidla amalahle ngokwethulwe nguTshabangu othi okwamanje ungumsekeli kanobhala jikelele weCCC.
Kasenelisanga ukukhuluma ngodaba lolu leziphathamandla zebandla leCCC. Isikhulumeli sebandla leli, uMnu. Promise Mkhwananzi, ubethembise ukuba uzakhuluma leStudio 7 kodwa kasatholakalanga saze sabuya emoyo.
UMnu. Prince Dubeko Sibanda owaxotshiswa nguTshabangu edale lephalamende uthi indoda le yenza okungekho emthethweni.
Forum