Sixoxa LoThabitha Khumalo weMDC-T Oncintisa eBulawayo East

WASHINGTON —  Ekuqhubekeni kwethu silethulela eziphathelane labazancintisa kukhetho oluzayo, lamuhla sikhangela isigaba seBulawayo East koBulawayo, esasimelwe nguNkosazana Thabitha Khumalo edale lephalamende, okucele leMDC elikhokhelwa nguMnu. Morgan Tsvangirai.

UNkosazana Khumalo uyancintisa njalo kulesisigaba, emele ibandla elifanayo. Abancintisana laye bagoqela uMnu. David Coltart wecele le MDC elikhokhelwa nguMnu. Welshman Ncube kanye loMnu. Kevin Muzvidziwa webandla le ZANU PF.

UNkosazana Khumalo utshele uSithandekile Mhlanga weStudio 7 ukuthi umkhankaso wakhe uqhubeka kuhle njalo inengi labantu eBulawayo East liyamkhwabitha yena kanye loMnu. Tsvangirai.