Inhlanganiso yeTajamuka Sesijikile Campaign icela abantu bonke eZimbabwe ngoMvulo ukuthi bakhalale umsebenzi ngokuhlala ezindlini.
Inhlanganiso le ithi abantu badubeka okumangalisayo okwamanje.
UMnu. Promise Mkwananzi uthi bakhangelele ukuthi abanengi bazazihlalela ezindlini kusukela kusasa kusiyafika ngoLwesihlanu.
“Ukuhlala ezindlini kuzaqala ngoMvulo kuzekuyefika ngoLwesihlanu. Ngesikhathi lesi sikhangelele ukuthi uMongameli Mnangagwa uzakhuluma labantu ngokwenzakala elizweni, ikakhulu ngokugugudeka komnotho.”
Uthi uMongameli Emmerson Mnangagwa useyehluleke ukubusa ilizwe ngakho-ke sokumele atshiye umsebenzi.
“UMongameli Mnangagwa ebhekane lokulandelayo … Ukuthi athiye umsebenzi ukwenzela ukuthi ilizwe liqhubekele phambili njalo lokuthi akhulumisane labantu bonke ngokudlelana kukazulu, ukulumende wakhe labanye abantu.”
Lokhu kusekelwa nguMnu. Gibson Mlauzi.
UNkosikazi Madona Ndlovu uthi abantu sebekhathele ngokwenzakala eZimbabwe.
Isikhulumeli samapholisa uSenior Assistant Commissioner Paul Nyathi uthi bazahlolisisa okwenzakalayo.
Ibandla leZanu PF lithi kubi okwenziwa yinhlanganiso yeTajamuka Sesijikile Campaign. Omunye wabasola lokhu nguMnu. Believe Gaule, owake wamela iTsholotsho edale leSenate.
Inhlanganiso ezimbalwa ezigoqela iZimbabwe Congress of Trade Unions zithi kazisizo ngxenye yalokhu okwenziwa yiTajamuka.
