Indunankulu uMangosuthu Buthelezi, ophethe isigodlo senkosi, uthi iiNkosi uZwelithini, olensukwana etshonile, uzalondolozwa ngoLwesithathu kulandelwa amasiko endlu yesikhosini.
UButhelezi, owethule umbiko lo enkundleni yokuxhumana eyeTwitter, uthi abesilisa abakhethwe yindlu yesikhosini, bazalondoloza uZwelithini. Uthi kuzakwenziwa isikhumbuzo seNkosi uZwelithini ngoLwesine esigodlweni senkosi.
UBulelani Lobhengula, owakhethwa ngumdeni wako Khumalo ukuthi abeyinkosi yaMaNdebele, uthi amaZulu, amaNdebele lomhlaba wonke jikelele balahlekelwa kakhulu yindoda ebilesithunzi lolwazi olujulileyo ngezamasiko esintu.
Isikhulumeli sakhe, uMnu. Bornman Khumalo, uthi bayakhala abantu ngokutshona kweNkosi uZwelithini.
Kusenjalo, umsakazo weSouth African Broadcasting Corporation ubika ukuthi uMenzi Ngubane, umlingisi obeyaziwa ngegama elithi Sibusiso Dlomo lamanye, kasekho.
ISABC ithi iNgubane, owayelingisa kuGenerations, Yizo Yizo, Ashes to Ashes, Gold Diggers laku Heist, ubehlutshwa ngumkhuhlane wezinso.