Inhlanganiso eziphansi komanyano wenhlangaaniso ezilwela amalungelo oluntu eyeZimbabwe Human Rights NGO Forum, ezigoqela oAmnesty International, Zimbabwe Lawyers for Human Rights, lezinye babe lesikhumbuzo ngoLwesibili, sokunanza iminyaka eyisithupha lokhe intathelizindaba eyayilwela ilungelo loluntu, uItai Dzamara, yanyamalalayo mhlaka 9 Mbimbitho ngo 2015.
UDzamara wayekhokhela inhlanganiso eyayikhuthaza ukuthi owayengu Mongameli Robert Mugabe ehle esihlalweni, eye Occupy Africa Unity Square.
Ekhuluma emhlanganweni lentathelizindaba, umholi wehlanganiso yeAmnesty International, uNkosikazi Jessica Pwiti uthe uhulumende kumele aveze lapho asa khona uDzamara.
“Abantu kabanyamalali baye emoyeni mahlayana nje. Kulomuntu okwaziyo lapho uItayi aya khona njalo kumele basitshele ukuba bamusa ngaphi uDzamara”
UPwiti ukhuthaze uzulu ukuba ancedise imuli yako Dzamara ngokuyipha usizo lwemali lendunduzo ngesikhathi bedidekile ukuba waya ngaphi uDzamara.
Okusekelwe ngu Mnu Chester Samba isiphathamandla somanyano oweNGO Forum.
“Uhulumende omutsha uziqhenya ngokuba uyalungisisa izinto. Uma sikhangela abantu bayaqhubeke behlukunyezwa njalo ekhuthaza ukuba abantu badlephane”
UmkaDzamara uNkosikazi Sheffra Dzamara uthi lokhe bekhulekela ukuthi atholakale ephila.
“Kubuhlungu ukuthi ngiphila ngingazi ukuba ungaphi. Mina labantwaba, ngilomtnwana osekhululi ufuna uthando luka baba, kunzima”
Omunye owayesebenza lo Dzamara uMnu Charles Nyoni uthi uhulumende kumele ancede ekudingeni uDzamara.
“Sikhumbula omunye wethu esasisebzna laye owathunjwa nguhulumende wanyamalala ukuba ungaphi uItai Dzamara. Sikhangela ukuba uhulumende uyaqhubeka ehlukumeza uzulu, kasiphi impendulo ukuthi kuyini okwenzakalayo”
Lokhu kusekelwe ngu Mnu ALfious Mapuranga laye owasebenza lo Dzamara.
“UItai Dzamra ngamazi ngo 2007 sidlala sonke eyintatheli ye Dailynews, sasihmaba kuhle sonke kwezombusazwe, ukuthunjwa kwakhe asazi ukuthi bamusa ngaphi kuyangithinta”
UDzamara wanyamalala emzini weGlenview 7, eHarare, ngemva kokuthunjwa ngamadoda amabili angaziwayo, amfaka emoteni eqeda ukugelwa ikhanda kuze kube lanamuhla kasazange abonakale.
Imizamo yokumdinga iminyaka yonke le, isiyehlule lanxa inhlanganiso ezilwela amalungelo oluntu zakhweza lolu daba emthethwandaba waphezulu oweHigh Court owanquma ukuba adingwe ngokuphangisa kodwa uhulumende katsho lutho ngaye.
Imizamo yokuthola icele lika hulumende yehlule ngoba ucingo luka Mnu Nick Mangwana belungangeni kuthi olomphathintambo wezemibiko uNkosikazi Monica Mutsvangwa beludotshwa ngumuntu otshele iStudio 7 ukuba ukomunye umhlangano.
