Uhulumende womanyano wenelise iminyaka emibili ebunjiwe ngoLwesihlanu ibandla leZanu PF ligcizelela inkuthazo yalo yokuthi lifuna kuyiwe kukhetho ngokuphangisa.
Lanxa uhulumende lo enelise ukuletha ububelo kwezenotho, inengi lithi wehlulekile ukuqeda ukwephulwa kwelungelo loluntu.
Inhlanganiso ekhuthaza ukulondolozwa kwamalungelo oluntu iAmnesty International isole uhulumende lo embikweni ewethule ngoLwesine isithi kumele eqede udlakela njalo ahloniphe amalungelo kazulu.
Isikhulumeli seZanu PF uMnumzana Rugare Gumbo utshele iStudio 7 uhulumende uyasadalala nje kungenxa yokuthi abeMDC kabafuni ukukhankasela ukwesulwa kwezijeziso ezafakelwa iZanu PF.
Kulekomidi yamabandla womathathu akuhulumende ezahlangana ngeviki ezayo ihlaziya ukuthi kuqhutshekelwe phambili njani.
Umkhokheli welinye lamacele eMDC uMnumzana Welshman Ncube utshele uNtungamili Nkomo weStudio 7 ukuthi ukusebenza kuhle kukahulumende kuphazanyiswa ikakhulu yiZanu PF.
