Sokulomnyaka Ogcweleyo Iqembu leHamas Lihlasele eIsrael Laphehla Impi Elokhe Iqhubeka

UMongameli weMelika uMnu Joe Biden ukhulumisane losowabo wakweleIsrael uMnu Isaac Herzog ngoMvulo ngesikhathi kusanela umnyaka ogcweleyo iqembu leHamas lihlasele kweleIsrael labulala abantu abedlula inkulungwane, 1,200, okugoqela izizalwane zeMelika eziphezu kwamatshumi amane, 46.

I-Hamas, yona eyahlelwa nguhulumende weMelika ukuthi iliqembu lezidlova, yahlasela eIsrael nyakenye mhlaka 7 ngoMfumfu, okwaqala impi phakathi kweIsrael laleliqembu elokhe iqhubeka esigabeni seGaza kwelePalestine.

UBiden utshele uHerzog ukuthi iMelika izaqhubeka isima lelililizwe lizwe linqobe izitha zalo waveza njalo losizi ngokubulawa kwabantu baseIsrael.

UBiden uphinde waveza ukukhathazeka ngokufa kwenkulungwane zabantu makhaza kwelePalestine eGaza, lapho i-Israel ehlasela khona ngamandla ilwisana leHamas.

Ingcwethi kwezombusazwe uMnu Nkululeko Sibanda utshele iStudio 7 ukuthi eleMelika lilomlandu omkhulu okumele liwudlale ekuqedeni limpi.

Embed share

Ingxoxo loMnu Nkululeko Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:33 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala