Kuhlelo lwamasiko lenhlakahle yabantu ngoLwesibili sixoxe ngomkhankaso owenziwa yinhlanganiso yeNetherlands eye, SNV, ekhangelane lokukhuthaza induna ukuthi zincede abantwana abasesikhathini.
Uhlelo lolu lukhangelele ukuthi induna zifundise uzulu ngokuqakatheka kwempahla yokugcika.
Kulembiko ethi amanye amantombazana acina engasayi esikolo ngenxa yokuswela impahla le. Kambe induna zithini ngaloludaba njalo bekuvele kusenziwani ngalokhu izolo?
Ukuze sihlaziye udaba lolu, sixoxe lenduna yeMatobo uChief Masuku othi lokhe zikhona izalukazi ezilakho ukunceda amantombazana asesikhathini.
UMasuku uthe “Okuzamele sizwenze ngohlelo lolu yikuthi sizahlala phansi sibone ukuthi luhamba njani sibesesisenza okufunakalayo.
Uthe udaba lolu luvele lukhangelane lezalukazi njengoba lekadeni yizo ezaziphatha ezokugcika kwebesifazane.
“Zikhona izalukazi lapha ezingaphatha udaba lolu. Zilakho ukuthi zitsho ukuthi kwenziwa njani konke lokhu. Silakho ukuzicela izalukazi ukuthi zingena kuhlelo lolu ukwenzela ukuthi luphumelele.”
