'Sidangele Ngokwanda Kwabantwana Ababhubha Besanda Kubelethwa Kanye Labomama Abafa Bebeletha'

Inhlanganiso elwela amalungelo oluntu eyeAmnesty International Zimbabwe ithi iphatheke kabi ngokwanda kwabantwaba ababhubha besanda kubelethwa kanye labesifazane abafa bebeletha.

Umsekeli kamphathintambo wezempilakahle uMnu Sleiman Kwidini utshele idale lephalamende ngeviki edluleyo ukuthi ngoZibandlela kubhubhe abantwana abangamakhulu phose amathathu, 299, besanda kubelethwa, (neonatal deaths), labomama abangamatshumi amahlanu lane, 54, ngesikhathi bebeletha, (maternal deaths).

I-Amnesty ithi amanani lawa aveza sobala ukuthi inhlelo zempilakahle eziqondane labesifazana abazithweleyo kanye lensana aziqhutshwa kuhle eZimbabwe.

Ithi njalo uhulumende kaMongameli Emmerson Mnangagwa kumele athathe amanyathelo aphuthumayo alungisise okusilelayo ezibhedlela ukuze kwenqatshelwe ukufa mahlayana kwabomama labantwababo.

Umumo awumanga kuhle ezibhedlela zeZimbabwe ezinengi, ikakhulu ezikahulumende ngenxa yokusilela kwemithi, amaphilisi, imitshina yokuhlola lokwelapha imikhuhlane etshiyeneyo kanye labodokotela.

Isiphathamandla senhlanganiso yabongi eyeZimbabwe Nurses Association uMnu Anthony Majongosi utshele iStudio 7 ukuthi bayehluleka ukuqhuba umsebenzi wabo ngemfanelo ngenxa yalesisimo.

Embed share

Ingxoxo loMnu Anthony Majongosi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:07 0:00

Lapho esitholakala khona

• 32 kbps | MP3
• 64 kbps | MP3

Ukudlala

Lumsakazo uzamile ukukhuluma lomphathintambo wezempilakahle uMnu Douglas Mombeshora.