Inhlanganiso ezimbili ezilwela amalungelo oluntu sezikhweze isicelo emthethwandaba esokuvimba inkampani yencingo zikamakhalekhukhwini eyeEconet Wireless ukulandela isiqondiso eseSearch and Seize Warrant esithi leyo nkampani inike amapholisa okumunyethwe ngomakhalekhukhwini babantu abalama account labo.
Abenhlanganiso ezibona ngamalungelo oluntu ezithi, eyeMedia Institute of Southern Africa-MISA-Zimbabwe leye Zimbabwe Human Rights (ZIMRIGHTS) bathi iSearch Warrant leyi iyingozi kumalungelo kazulu ngendlela eyethusayo ngoba iEconet ilabantu abafika izigidi ezilitshumi lanye-11 million abayisebenzisayo.
Lesi sicelo siza ngesikhathi lapho amapholisa ethole imvumo emthethwandaba yokubamba ngamandla abeEconet ukuthi baveze amagama abantu abasebenzisa linkampani ukuthumela lokuthunyelwa imali.
Lokhu kuchasiswe ngu Mnu Thabani Moyo umholi we MISA-Zimbabwe.
“IMISA Zimbabwe isihambe edale le High Court icela ukuba likhuphe incwadi ye warrant of search and siezure. Sibona ukuba lokhu nxa kungenzakala kuzaphazamisa ilungelo lemfihlo kuzizalwane ze Zimbabwe njengalokhu okusisekelo sombuso. Sithemba ukuba iEconet, iZRP, iMinistry of Home Affairs, iPOTRAZ, RBZ bazenqantshelwwa ukuba bavumele lokhu kuesenzakala ngoba kungenzakala kungaphazamisa ilungelo labantu njengalokhu okusisekelo sombuso”
Umsekeli wesikhulumeli se MDC Alliance uMnu Felix Mafa uthi njengebandla bakhathazekile ngokungahlonitshwa kwelungelo loluntu.
“Thina abe MDC A kuyaziwa ukuthi inkohlakalo kasizwani layo. Into ze Econet lezi ziyahlupha ngoba iEconet izwanana labo, thina sithi kakwenziwe okwenziwa kuye wonke umuntu, kube lokuzwisisa okucacayo nxa kukhangelwa udaba lolu”
Ababethwe ngamagama kulesi sicelo sabeMISA le ZIMRIGHTS abasikhweze emthethwandaba bagoqela abeEconet, umphathintambo wendaba zasekhaya, uSkomitshi wamapholisa, iPostal and Telecommunications Regulatory Authority of Zimbabwe (POTRAZ) le RBZ ngenjongo yokuvimba ukwephulwa kwelungelo loluntu ngabeEconet lohulumende.
Abe Econet labo bakhweze isicelo sokuphikisa iziqondiso zeSearch and Seize Warrant leyi eze lamapholisa emthethwandaba ngoMvulo ngakhoke lezi nhlanganiso zombili zikucele linye labe Econet ukuthi uhulumende akalalo ilungelo lokunikwa okumunyethwe kubomakhalekhukhiwni babantu bonke elizweni.