WASHINGTON —
Ibhanga elikhulu lelizwe, eleReserve Bank of Zimbabwe (RBZ) selesule ilayisensi yebhanga leAllied Bank ngoba lelibhanga belingasela mali yokuqhubeka lisebenza.
IAllied Bank libhanga lesiphathamandla seZanu PF, uMnu Obert Mpofu.
Kusukela ekusungulweni kwalo ngo2005, lelibhanga belihlezi libhekane lobunzima bokusilela kwemali yokuqhuba inhlelo zalo ngemfanelo.
Embikweni eliwethulileyo, ibhanga leRBZ lithe lithethe inyathelo leli ngemva kokuba iAllied Bank ize lelayisensi yayo isithi ayisenelisi ukuqhubeka isebenza ngenxa yobunzima kwezenotho.
Ingcwethi zithi akhona amanye amabhanga alakho ukuvala njengeAllied Bank nxa umumo womnotho ungaqhubeka usiba mubi.