Amapholisa athi sebophe umnewabo womhleli wephephandaba leSunday Mail uMnu Edmund Kudzai, yena oyetheswa icala lokuba nguBaba Jukwa.
UPhillip Tawanda Kudzai ubotshwe ngoLwesibili ntambama ngemva kokuba ezilethe emapholiseni ehamba legqwetha lakhe.
Isikhulumeli samapholisa uSenior Assistant Commissioner uCharity Charamba ukufakazile ukubotshwa kukaPhillip, esithi ubesebenza loEdmund ekungcoliseni uhulumende lamalunga eZanu PF ebulenjini benguBaba Jukwa.
"UPhillip Tawanda Kudzai nguye obesebenzisa ikhasi likaBaba Jukwa esebenza lomnewabo uEdmund Kudzai labanye abalokhu bengakabotshwa," kutsho uCharamba.
Ababili laba betheswa njalo icala lokuzama ukugenqula uhulumende kaMongameli Mugabe.
UEdmund ubotshwe ngeviki edluleyo njalo walelwe ukuhlawula imali yesibambiso lidale likamantshi walaywa ukuba akhweze isicelo sakhe edale leHigh Court.