Abathathu abakuhambo lokuveza ubuhle buka Mthwakazi – uMnu. Thabo Siziba, uMnu. Zenzo Siziba loMnu. Bukhosi Maphosa -- bathi sebezafika koBulawayo.
Abathathu laba basuka koBulawayo bayafika eHarare kuhambo oluthiwa ‘My Mthwakazi Mahlabezulu Walk of Freedom’.
Okwamanje sebese Mbembesi belubhekise koBulawayo.
Uhambo lolu ngolokuvuzela uzulu ukuqakatheka kwemihlobo etshiyeneyo ikakhulu okumayelana lesiswe sikaMthwakazi.
UMnu. Thabo Siziba uthi bayabe befikise phose amakhulu ayisitshiyagalo lunye bangafika koBulawayo behamba ngenyawo.
“Okwamanje silamathuthuva njalo lamaqolo angani asetshisa kodwa sizimisele ukuyafika koBulawayo. Sihlangane labantu abanengi kakhulu akade bethakazelela esikwenzayo. Abanye ngabantu asebekhulile akade befisa ukusincedisa kuhambo lwethu.”
Kulabanye abantu abafisa ukubahlangabeza bahambe labo ngenyawo bengakafiki koBulawayo.
