Uphenyo olwenziwe yoStudio 7 luveze ukuba amabhizimusi ambalwa anjengesitolo sePowersales, amabutsha, umkambo we flea market osedolobheni kanye lezinye izitolo kuvalile.
Usomabhizimusi umnunzana John Mkandla, osevale ezinye izitolo zakhe uthi ikusasa yebhizimusi kasakwazi ukuthi imi njani.
“Into eyenzakalayo lapha inzima kakhulu, sengivalile amanye ama branch ami ngasala leyi one ngoba istuff engisiwodayo ngisithenga ngeforex ngapha kumele ngithengise ngebond. So ukuthi ngikwanise ukuthi ngithole imali ye stuff kuba nzima kakhulu, khathesi vele angazi ukuthi ngikhangeleleni, lekusasa yethu ye bhizimusi asikwazi ukuthi ibambelele ngaphi sesiphombu kwenza khonokhu okukhona.” // Omunye wabosomabhizimusi umnumzana Nqobile Zikhali uthi yena okumenza aqhube kangcono yikuthi lokhe ethatha idola leMelika ngudlu.
“Ama customer ethu lokhe besabhadala ngama US dollar,so lokhu kusenza siqhubeke silokhe si operater kuyasinceda kakhulu.Si charger sisesaba amapholisa,kodwa lokhu kusenza si re stocker kuhle singazange si struggler ngoba amanye amacustomer ethu aletha iUS.Amanye amashops ayala kodwa thina silokhe sithatha ngangemuva yikho siphumelela.”
Ukuvalwa kwezitolo lokhu sekubangela ukuthi abanye belahlekelwe yimisebenzi. Unkosikazi Nosizo Moyo oyisakhamuzi sakoBulawayo uthi umiswe umsebenzi ngoba sekuvalwe lapho asebenzela khona.
“Bekungani kuthiwa we are open for business kodwa thina khathesi ngikhuluma nje simisiwe umsebenzi,mina bengisebenza kweyinye ibutcher khonapha koBulawayo kodwa eyethu ibranch ivaliwe sekusele eyi one kuphela etown.Simisiwe bathi bazasifonela,kodwa ukuthi bazasifonela nini asikwazi ,lokuthi abantwana badleni asikwazi sikhonalapha.”
Umnumzana Effort Ncube omele inhlanganiso yamalungelo abathengi eye National Consumer Rights Association uthi kunzima ukuthola inzuzo kusimo somnotho esikhona eZimbabwe.
“Akumangalisi ukuthi izitolo ziyaya zivalwa,abantu bebuyela emakhaya bexotshwa imisebenzi ngokuba isimo se economy yelizwe asimanga kahle.Sekunzima ukwenza inzuzo phakathi komnotho onje,ngapha kufunakala ubhadale i rent,ngapha i electricity engekhoyo ngapho kufuna ubhadale amanzi engekhoyo, ngakho akusavumi ukuthi amankampani abe elokhe ethuthuka eqhatsha abantu.Kulokuthi baqhatshe ,babuyisela abantu ngekhaya,kulokuba avule abebanzi ayavala,lokhu kubonisa ubunzima obukhona phakathi kwe economy yeZimbabwe esithemba ukuthi bazakulungisa.”
Osomabhizimuzi bahlaba omkhulu umkhosi bedonsa nzima ngomumo ongamanga kuhle kwezomnotho kweleZimbabwe. Ezinye izitolo sezivalile ezinye indawo zabo zokusebenzela ngoba kungasavumi. Lokhu sokwenze izisebenzi zibuyele emakhaya ngoba umsebenzi usuphelile. Konke lokhu kwenza impilo kazulu ibe nzima ngamandla ngoba indleko zokuphila edolobheni zizinengi.
