Izizalwane zeZimbabwean lezivelwa kwamanye amazwe ebesezihlala enkambeni zibalekela ukutshaywa yizizalwane ze South Africa seziqale ukubuyela lapho ebezihlala khona kulandela ukuma kodlakela oluqhamuke kumaviki amabili adluleyo.
Omela i Zimbabwe kwele South Africa, uMnu. Isaac Moyo utshele iStudio Seven ukuthi ubone inkamba ezimbili namuhla zidilizwa edolobheni le Alexandria ngoba kungaselamuntu ohlala khona.
Kodwa abanye asebebuyele emizini yabo batshele iStudio Seven ukuthi kulokufuthelana lokwesabela ukuthi udlakela lungaqhamuka njalo.
Sekulezizalwane zeZimbabwe ezingamakhulu ayithoba minwe mibili eseziphathiswe nguhulumende lezinye inhlanganiso ukuthi zibuyele ekhaya. Lapho zifika emngceleni we Beitbridge izizalwane ze Zimbabwe ziyaphiwa uncedo lwe counselling ndogodokotela abelapha ingqondo.
UChris Gande we Studio Seven uxoxe lengcwethi ecubungula ezombusazwe, uMnu. Walter Mbongolwane othi lanxa sekulokuthula nxa imbangela yaloludlakela ingalungiswanga luzaqhamuka njalo loludlakela.
