Kuyaphithizela emagcekeni ezindizamtshina elizweni lonke, ezilindweni zamabhasi lemingceleni phose yonke yelizwe ngoba abadabuka eZimbabwe sebebuyela emazweni abasebenza khona kulandela ukuthakazelela ikhefu leKhisimusi ekhaya labangane lezihlobo.
Inengi labo lithi lihlulukelwe ngoba selibuyela emsebenzini litshiya izihlobo ekhaya. UNkosazana Sithandazile Nkomo ohlala eBhilithane ogade indizamtshina izolo sebuyela uthi wakholisa koBulawayo.
"Indawo imnandi leyana ngikholisile bakithi iKhisimusi lemuli labangane but kodwa sesibuyelile back in the UK sengihle ngabanjwa yi-flue bazalwane, hayi kunzima la umqando wakhona minus 1 degree. Ngiyalungiselela ukuthi ngize futhi ngoMay ngizohlatshwa lilanga at least it’s much better."
UNkosikazi Sithembiso Dube ukholise kakhulu. Uthi uyaphenduka ekupheleni kwenyanga.
"Mina ngihlala eBotswana ngisebenzela eGaborone ngingumbalisi. Iholiday ibimnandi ngikholise ukudla ikakhulu ama fruits eZimbabwe ahealthy aand organic. I really had a great time ngeChristmas, meeting my relatives and friends kulokudla okuhealthy eZimbabwe. Ngiyabuya ngo-end of January."
Omunye othi ubelesikhathi esimnandi ekhaya nguNkosazana Sisa Nkomazana osegade ibhasi esiya emsebenzini eGoli.
"Sengibuyele eGoli baba bekumnandi kakhulu into ziyadula kodwa, hayi, bekumnandi indawo ezokujaiva yizo ebezimnandi kakhulu ukuthula labantu bakhona balomusa. Ukuthula ekhaya kumnandi, ipeace labantu abalothando yikho engikuthanda kakhulu."
UMnu. Emmanuel Dube uhlala eBirmingham eBhilithane. Simthole esilindweni sendizamtshina seJoshua Mqabuko Nkomo Airport eselubhekise khonale.
"Ngise Zimbabwe kuholiday lapha eBulawayo ngasuka ngaya emaphandleni bekutshisa khonale, izulu liyana khona sengisizwa ubuhlungu ma sengibuyela emqandweni ke manje."
UNkosikazi Slimukile Nkala uthi ikhefu lakhe alimjabulisanga
“Ngiye eFilabusi. Iholiday ibikahle mpela but eish khonokho nje ukuthi amanzi lamagetsi kuyahamba bekungasiphathi kahle mpela."
LoNkosazana Darling Ncube ohlala eMelika uthi ukholisile lezihlobo labangane.
"IKhisimusi ibimnandi kakhulu besijabula lezihlobo siseNkayi sibone ugogo, umalume labobabakazi sibone izihlobo zonke sabalesikhathi esihle. Sesibuyela emsebenzini eNew York mbuyela kusasa.”
Kodwa kulabanye ababhekane lobunzima besekhaya. Omunye wabo nguMnu. Abel Khumalo othi umdeni wakhe untshontshelwe impahla endlini kadedewabo koBulawayo.
"Hayi bekumnandi akulanto engingakhala ngayo kodwa inkinga engibe nayo yikuthi mhlaka 1besilele endlini kasisi wami eluveve ebusuku ngthe ngiphaphama ngabo 2ekuseni ngathola umnyango suvulekile sebethethe imali engange R23,000 lephone yami kodwa okunye bekukuhle ekhaya ngijabule kakhulu."
UMnu. Thembani Ndlovu, umtshayeli webhasi yeGodzilla ethwala abantu besuka koBulawayo besiya eGoli, uthi kabenzanga mali enengi kulel’ikhefu.
“Hayi khona akufani leminye iminyaka this time kube ku-low the competition is too much compared to eminye iminyaka edlulileyo amabhasi asemanengi khathesi kodwa hayi okuqakathekileyo yikuthi sifikise abadala kuhle sibathathe la koBulawayo siyebafikisa eJoburg be safe. Isuka lapha everyday silayo i-bus isuka ngo 4 o’clock sima masisehlisa abantu eMidrand lePowerhouse Bloemfoentein."
Amazwi kaNdlovu agcizelelwa nguMnu. Shakespeare Mpofu osebenzela ibhasi yeMJP Coaches layo ethwala abantu isiya eJozi. Uthi inengi labantu alilancwadi zokuhambisa ngaphandle kwelizwe.
“IProblem abantu abanengi abala ma passport so these days eBoader kunzima so abantu eshamba labo sithwala abalama passport kuphela so yikho okwenzukuthi khathesi abantu bebengathi balutshwana basalinde ama passport abo i think yikho okwenza abantu becine sebengene kubo malayitsha but thina these days emabhasini ebhasini asithwali ama boader jumper."
Bamadolo nzima abanye abadabuka eZimbabwe abahlala kwamanye amazwe asebebuyela emazweni abasebenza khona. Bathi bakholisile ekhaya kodwa okwamanje sebesiya sebenza nzima ukwenzela ukuthi bebuye njalo lonyaka kukhefu leKhisimusi.
Forum