Ibandla leMovement for Democratic Change elikhokhelwa nguMnu. Nelson Chamisa lithi akumangalisi ukuthi lidlelana lowayengumongameli uMnu. Robert Mugabe.
Ibandla leli lithi lisebenza labantu bonke kwele Zimbabwe abagoqela uMugabe ukwenzela ukulungisa konke okuhluphayo elizweni.
UChamisa utshele abantu emhlanganweni awenze izolo eMutare ukuthi ulakho ukuyakhulumisana loMugabe ngokwabhidliza ilizwe leZimbabwe lokunye okutshiyeneyo.
Kulabanye abasola lokhu abathi akumelanga uChamisa adlelane loMugabe owabulalisa abantu abanengi eMatabeleland leNkabazwe libutho leGukurahundi.
UMnu. Prince Dubeko Sibanda, olilunga lebandla leMDC, uthi uMugabe ngumuntu okungamelanga akhohlakale kwezombusazwe.
Kodwa uMnu. Believe Gaule webandla leZanu PF othi ubudlelwano buka Mnu. Mugabe loChamisa kubisela emuva ilizwe leZimbabwe.
