Osomabhizimusi eZimbabwe bakhangelelwe ukuthi baqalise ukuthola izikwelede zemali ezivela kubhanga le Africa Export and Import Bank kuliviki.
Umqondisi we Zimbabwe National Chamber of Commerce (ZNCC) uMnu. Trust Chikohora uthi osomabhizimusi abafuna limali kumele bathumele ugwalo olumumethe isimo samabhizimusi abo kubhanga le Interfin eliyilo elihluzisisa abacela limali.
Akhona njalo amanye amabhanga amathathu azethulwa nguhulumende kuliviki azanika osomabhizimusi izikwelede lezi phansi kohlelo lukahulumende olwe Zimbabwe Economic and Trade Revival Fund.
Okwamanje ibhanga le Africa Export and Import Bank liphathisana lohulumende womanyano ukubumba isikhwama sezigidi ezingamatshumi ayisikhombisa zamadola eMelika.
Loba kunjalo, owayengumgcinisihlalo we ZNCC kwele Mandebeleni uMnumzana Jabulani Nkomo utshele uGibbs Dube we Studio 7 ukuthi abanye osomabhizimusi kabakezwa ngemali le elakho okudlelwa ekhwapheni yilabo abathola izikwelede ezinje lula.
