Abanye abasakhulayo abangasebenziyo elizweni bathi sebezinikele ukwenza inhlelo zokuthuthukisa izigaba zabo kungela mbadalo, ukuvolontiya.
Abasakhulayo laba babumbe inhlanganiso yabo ethiwa Game Changers Group njalo bathi yinto enhle ukuthi ontanga bathuthukise izigaba zabo kungela mbadalo njengoba isilela imisebenzi.
Esikhathini esinengi abasakhulayo bathi bengaqeda isikolo baswele okokwenza bacine sebelingeka besenza into ezingaqondanga ezigoqela ukubhema insangu.
Osakhulayo obekuhlelo lweMandela Washington Fellowship lonyaka uMnu Divine Dube uthi ngempela ukuthuthukisa izigaba ontanga abahlala kizo yinto enhle.
"Yinto enhle kakhulu ukuthi ontanga bathuthukise izigaba zabo kungela mbadalo, kodwa kusuke kube nzima kwesinye isikhathi umuntu nxa elambile," kutsho uMnu Dube.