Idale lephalamende belihluza udaba lokuphathwa kwabesifazane abazithweleyo ngendubo abahlangana lazo ngoLwesibili. Umsekeli kamongemli webandla le MDC-T, uNkosazana Thokozani Khuphe utshele lelidale ukuthi imbiko yengcwethi zempilakahle elizweni zithi kufa abesifazane abafika phose amatshumi amabili ngelanga bebeletha.
UKhuphe uthe inani leli liphezulu kakhulu okutshengisa ukuthi akuhambi kuhle ezibhedlela lapha omama abazithweleyo besiyakhululeka.
Kuhlelo lwethu Liphuma Lendaba Litshona Lendaba sixoxa loNkosikazi Sithembile Mlotshwa othi inhlelo ezingaphathisa abesifazane abazithweleyo zikhona kodwa kazifezeki ngoba kulengxaki ezinengi.
UMlotshwa uthi ezinye zenhlelo lezi ngezibalisa ukuba abesifazane abayabeletha bengabhadaliswa imali yesibhedlela.
