Kuhlelo lwamasiko lempilakahle kazulu, ngoLwesibili sihlolisise okusezindlini zabatshadileyo lapho umakhalekhukhwini osehlupha okwamagama.
Kambe ungatshiyela omunye wakho umakhalekhukhwini abone yonke imilayezelo ethunyezwa ngabangani lezihlobo?
Sikesalibuzo umbuzo lo ebulenjini bokuzilibazisa obeFacebook lapho abantu abanengi abathe balakho ukutshiyela omakhalekhukwini abanye babo.
Kodwa-ke bakhona abathe kungeke kwenzakala lokhu ngenxa yokuthi omakhalekhukhwini ngababo njalo umthethwandaba usanda kuthatha isinqumo sokuthi akumelanga ukuthi abantu abatshadileyo balunguzelane omakhalekhukhwini.
Ukuzwe siyaziye loludaba iStudio 7 uxhume uNkosikazi Concillia Mlalazi ongukhansila edolobheni lakoBulawayo loMfundisi Useni Sibanda owenhlanganiso yeChristian Alliance.
UNkosikazi Mlalazi uthe akumelanga abantu abathandanayo bafihlelane okukumakhalekhukhwini.
“Kumele abantu abathatheneyo bangafihlelani lutho. Ungabona phakathi kwendlu kulomunye ongavumiyo ukubeka ifoni phansi kuyabe kukhona akwenzayo kumbe kulemfihlo efonini. Ngingathi kuyabe kulento ayifihlayo.”
UMfundisi Sibanda ugcizelele esithi “nxa umuntu ethembekile akumelanga kubelodubo lokuthi utshiyele omunye wakho umakhalekhukhwini.”
