Ibandla leZanu PF lithi alisafuni ukuqhubeka ngenkulumo zokuxazulula ingxaki ezikhulumende womanyano ngoba iMDC ingafuni ukugcwalisisa osokwavunyelwanayo.
Omela iZanu PF kunkulumo lezi uMnu Patrick Chinamsa utshele iphephandaba le-Herald ukuba ibandla lakhe selidiniwe ngalezinkulumo ngoba zingelampumela ebakhona.
Uthi utshele iqula likaMongameli Jacob Zuma ebelihlangana labameli bamabandla akuhulumende ngoLwesithathu, ukuba iZanu PF ifuna kudingwe ezinye indlela zokulungisisa okusahluphayo.
Kodwa kasacacanga ukuthi yiziphi lezondlela. Imbiko kaChinamasa icunule abamacele womabili eMDC bona abathi iZanu PF yiyo enza inkulumo lezi zingaphumeleli.
Umkhokheli weMDC ekhokhelwa nguMnu Welshman Ncube edale lephalamende uMnu Edward Mkhosi utshele iStudio 7 ukuba iZanu PF esifuna ukukwenza yikudiliza uhulumende.
