Sokubunjwe Inhlanganiso Yabodokotela Okuthiwa Idlelana Lebandla leZanu PF

Odokotela bathi kabazimiselanga ukubuyela emsebenzini ngesikhathi sokubunjwe eyinye inhlanganiso emela odokotela abasakhulayo.

Unobhala jikelele wenhlanganiso yeZimbabwe Hospital Doctors Association, uDokotela Tawanda Zvakada, uthi kumele amalunga ayo angalandeli inhlanganiso ezibiza ngokuthi yiProgressive Doctors’ Association esanda kubunjwa okukhanya isekelwa libandla elibusayo.

Uthi inhlanganiso le ifuna ukuthi odokotela babuyele emsebenzini kungelakuvumelana lohulumende ngeholo elikhuphukileyo lokunye abakufunayo.

Odokotela sebelenyanga ezedlula ezintathu bekhalala umsebenzi. Asenelisanga ukuxoxa lodokotela Benson Dandira okhokhela inhlanganiso yabodokotela esanda kusungulwa eZimbabwe.

Odokotela bathi bazabuyela emsebenzini nxa iholo labo lingakhuphulwa nguhulumende ngesilinganiso esihambelana lokuthengiswa kwemali emkambo wamabhanga.

Embed share

UDokotela Mthabisi Bhebhe Ukhuluma Ngokubunjwa Kweyinye Inhlanganiso Yabodokotela

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:00:51 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala