Babambe Owangaphansi Abantu Ngokuvunyelwa Kuka Obadiah Moyo Ukuba Ahlawule Isibambiso Sebail

Kulabanye abantu abalokhu bethithibele ngokuvunyelwa ukuba uDokotela Obadiah Moyo ahlawule isibambiso sebail ngumthethwandaba kulandela ukubotshwa kwakhe kucatshangelwa ukuthi watshaphaza ihofisi yakhe.

Amapholisa athi uMoyo wenza njalo ukungethembeki ngokuvumela ukuthi inkampani yeDrax International okukhanya ilabaqondisi abadlelana lomdeni kaMongameli Emmerson Mnangagwa bathenge okokuvikela umkhuhlane weCOVID-19 kungalandelwanga imithetho kahulumende.

Omunye wabaqondisi benkampani le, uDelish Nguwaya, usentilongweni lapho amelele ukuthoniswa icala lokungethembeki. Uhukumende uyakuphika ukuthi uNguwaya labanye bakhe abalobelana isivumelwano lohulumende esifika izigidi ezingamatshumi ayisithupha zamadola - $60 million badlelana loMnangagwa.

Okwamanje uDokotela Moyo usendlini yakhe kulandela ukuvunyelwa kwakhe ukuba ahlawule isibambiso sebail ngumthethwandaba.

Ukuze sizwe okunengi ngodaba lolu, sixoxa loMnu. Jay Moyo, ingcwethi kwezombusazwe, uMnu. Joseph Tshuma webandla leZanu PF, loNkosazana Barbara Tanyanyiwa, olwela ilungelo likazulu. UTshuma uthi abantu bayazikhulumela nje nxa besithi uMnangagwa ngomunye wabantu abatshaphaza iwofisi ngokwenza ukungethembeki.

Kodwa uMoyo loNkosazana Tanyanyiwa bathi uhulumende kaMnangagwa ukhuthaza ukungethembeki.

Embed share

Ukubotshwa Lokukhululwa Kuka Dokotela Obadiah Moyo Kutshiya Abantu Belesithuli

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:08:30 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala