Owake waba ngumphathintambo wezomvikela, uMnu. Enos Nkala uthi uMongameli Robert Mugabe kumele atshiye umsebenzi nxa ibandla leZanu PF lifuna ukunqoba kukhetho oluzayo.
UNkala utshele iphephandaba leNewsday ukuthi uMugabe engamela ibandla leZanu PF uzanqotshwa yinhloko kahulumende uMnu. Morgan Tsvangirai okhokhela elinye lamacele eMDC ngoba esekhulile.
UNkala utshonjalo nje ngoba ibandla leZanu lasungulwa endlini yakhe emzini weHighfields eHarare.
Isikhulumi seZanu PF, uMnu. Rugare Gumbo walile ukukhuluma phezu kwaloludaba. Uchirs Gande oweStudio uxoxe loNkala ukuze ecasisa okunengi ngembono yakhe phezu kukaMugabe lombuso wakhe lebandla lakhe leZanu PF.