Umongameli Robert Mugaba usole amazwe aphetsheya ngokwethesa eleZimbabwe izijeziso zenotho esithi inkokheli yamazwela ile nhliziyo ezimbi njalo kufanele umanyano wamazwe omhlaba owe Untied Nations umanyane leleZimbabwe ukusola lesi senzo.
Ekhuluma emhlanganweni weUnited Nations General Assembly eNew York ngoLwesine ntambama, umongameli Mugabe uthe kufanele inhlanganiso ezinjenge International Monetory Fund le World Bank zibe lamalunga angathathi uhlangothi nxa esipha uncedo.
Ekhuluma emhlanganweni ofanayo ngoLwesithathu, umongameli Barack Obama weMelika ukhuthaze inkokheli zamazwe omhlaba ukuthi zincedisane ekulwisaneni okuhluphayo okugoqela, abahlamuki bokholo lwesiMoslem abedlulisa amalawulo abe ISIS labanye abakwamanye amazwe.
Uphinde wathi umkhuhlane weEbola ohlasele eleAfrica ungamemetheka ubulale amakhulu lamakhlu enkulungwane zabantu emhlabeni nxa ungasamiswanga.
UMongameli Obama uthe umkhuhlane lo uyaphazamisa ezomvikela emazweni amanengi njalo uyehlisa umnotho wamazwe.
Ekhuluma ngabahlamuki, umongameli Obama usebenzise amazwi aqatha, esithi kufanele kusetshenziswe udlakela ukulwisana labo ngoba bengababulali abangazwisisiyo ukuxoxisana ngokuthula labanye.
Ukuhlaziya amazwi kamongameli Obama sixoxe loMnu. George Mkhwananzi, ingcwethi ecubungula ezombusazwe yena otshele uSithandekile Mhlanga weStudio 7 ukuthi udaba lwabahlamuki alusoze lufinyelele kweleZimbabwe ngalesi isikhathi.
