Uhlangothi lukahulumende olubona ngokulondolozwa kwemingcele olweUK Border Force solubisele ekhaya izizalwane zeZimbabwe ezingamatshumi amahlanu lesithupha-56, kusukela ekuqaleni kwalumnyaka.
UMnunzana Sikhonzile Sibanda ongaboniyo ngomunye wabaphindiselwe ekhaya ngeviki edluleyo ngemva kokupikela icala lokudlwengula owesifazana.
“Mina ngangena eprison ngendaba engingayenzanga, bekwazi ukuthi akulanto engayenzayo but because vele kwakulestatistics yokuthi kumele kube labantu abangena ejele for those things abangifaka kuzo, abangifakela yona. Lami l fell victim of that statistics. Khathesi kuthiwa kulamaZimbabweans 2500 okumele bebiselwe ekhaya, baphombukungihudula kuphela bangingenisa khonapho bangingenisa emva kweplane ukuthi khona abantu abaphakathi bengaboni
USibanda uhanjiswe njengesibotshwa elindwe ngabantu abathathu kundizamtshina
“So sithe sifika eHarare bayehla lami, bangithwalela izikhwama bafika bangihenda over to ama authorities angapha eZimbabwe eHarare, kwahlekwaba bathi sebeqeda lapho baphenduka so ngibacine khonalapho”
Bamthatha uSibanda bayamhlalisa endaweni eseduze lesibhedlela seHarare Hospital egcina abantu abangela ndawo yokuhlala. Njengomuntu ongaboniyo uhlangana lobunzima kulindawo
"Akula toilet eduze, nxa kumele ngiyetoilet kumele ngiphume phandle ngimemeze umuntu azabuye manje ebusuku kuyabe kungaselamuntu, abantu abasebenza lapha bayabe bengasekho. l never expected ukuthi amaBritish bengangenza kanje. Nxa benga diphotha mina what more umuntu oright right ozibonela kuhle which means vele they will not even look at that. Bathi bangamaChampions ama human rights kodwa this a complete violation of human rights, kunzima madoda, kodwa hayi uNkulunkulu ukhona uzongisiza one day.
UNkosazana Neria Neshamba, owe nhlanganiso emela amalungelo oluntu ebizwa ngokuthi “MaZimbabwe Yes We Can” uphatheke kabi ngesenzo leso
“AmaBritish ngabantu abanjani behambisa isiphofu, isiphofu eZimbabwe, hayi bakithi hayi, akwenziwa lokho. Bathi balama Human Rights, amahuman rights anjani, owokuthini ama human rights”.
Esinye njalo isizalwane seZimbabwe, uMnunzana Thabiso Moyo simthole sebemdobhile, saxoxa laye ecingweni bemusa eAirport belungiselela ukumbisela ekhaya, laye ke ngomunye owake waba yisibotshwa.
“Sibelokuxabana lomama womntwana esasisonke for iminyaka engu 10. Wacina engibophisa ngayejele, ngaphuma lapho basebisithi kimi bangithathele istatus sami. Kodwa ke lapha bathi bafuna ukungibisela eZimbabwe and betshonjalo nga interviwer ngama CIO, amaCIO ebuza konke ngami ukuthi ngazalelwa ngaphi konke lefamily yami, ngesaba ukubuyela ekhaya kodwa sebengibambile bangilande endlini bathi bona bafuna ukungibisela ekhaya”.
Ugatsha lukaHulumende weBhilithane olubona ngendaba zasekhaya olweHome Office lwalile ukukhuluma ngokubiselwa kwalaba bobabili ekhaya, bathi bayaphambili ngokubisela abantu eZimbabwe abangela maphepha okuhlala elizweni.
Inkulumo kaMongameli Emerson Mngangagwa yokuthi izizalwane zeZimbabwe ezihlala kwamanye amazwe kaziphenduke ekhaya zizayamukelwa ngezandla zombili kungelangozi sokusenza abangela maphepha balale bequthile ngovalo.
