Inani labantu abathenga bethengisa impahla etshiyeneyo ehlanginisela ukudla lezigqoko liqonga nsukuzonke emadolobheni lemaphandleni abantu bezama ukuziphilisa ngesikhathi isimo somnotho siqhubekela phambili sisiba sibi okwamagama.
Bathi ilanga liphuma lendaba litshone lendaba. Kunjalo kwabathenga bethengisa impahla abavuka emathathakusa abatshona ilanga lonke bethengisa bezama ukuphandela imuli zabo. UNkosikazi Nomakhosi Samanzi ngomunye owenza umsebenzi lo.
"Abantu abanengi abagcwele emgwaqweni ,ngamaSingle mother, ngoBaba ngoMama ezindlini, abanye zintandane, abanye ngoGogo abagcin' intandane."
Ezitaladeni akusahambeki ngokuminyana kwabathenga bethingisa koBulawayo, omunye wabo nguNkosazana Nomathemba Moyo ofakaza ngodubo abahlangana lalo.
"Sesibanengi kakhulu, ichallenge thina siyabe sihlezi one ndawo but kulabantu abathengisa phandle . Environment esikiyo khathesi ayikho right.Uswekala kwezulu kwenza kube leChallenge ekudleni."
Labasakhulayo bayathengisa ezitaladeni. UNkosi Sibanda uleminyaka engamatshumi amabili lantathu uledegree kuMarketing
"Ngagraduator ngomnyaka ophelileyo ,okwamanje ngiyathengisa emarket. Ngizithengisela amaCabbage lani lani, ngidinga umsebenzi angiwutholi."
Amapholisa kaManispala abaziwa ngokuthi ngo Makhokhoba bayathathela abathengisayo impahla yabo. Unkosazana Debra Lunga uthi bamgijimisa bamthathela impahla yakhe.
"Uyathatha into ephansi not nxa sengibalekile bengigjimise ,ungigijimiselani nxa sengibalekile ungigijimise sibili ngize ngiwe ungigwenxe unguthathele uStuff sami Ungigijimiselani City Council.”
Amazwi kaMaLunga agcizelelwa ngu Nkosikazi Sindiso Mathe othi impahla ezithathwayo aziphenduki
"Aziphenduki zihlangene kuyabe sokutshontshiwe okunye .Ungaze uzilandele eDrill hall awuzutholi impahla zabo.Okunye futhi esihlangana lakho okukhulu even langoba sithengisa ,lapho esithengisela khona asila mabhimu,amabhimu okuthi sifakele ingcekeza.”
Kukanti uNaka Khaya uthi wabhala kodwa abamnikanga impahla yakhe abayithathayo
"Bayala futhi lokunginika bathe bengisayinile laphana kwathwa suvumile icala ukuthi uthengisela endaweni engayisiyo , of course basemsebenzini wabo kodwa mina lami kwangizwisa ubuhlungu kakhulu ukuthi why is it istuff sami sesishotile."
Beminyene benje abathengisayo indawo abathengisela kizo zingcolile njalo akulamanzi, kuchaza uNkosikazi Sthabile Nyoni
"Asila maToilet,akula mabhimu, so sesisiba legama elibi ukuthi amaVendor yiwo angcolisa uBulawayo."
USomlomo wedolobho lako Bulawayo uNkosikazi Nesisa Moyo uthi umanispala wakhe uthi abathengisayo labo kabathathe incwadi zokuthenga bethingisa ukuze kube lokungaxokozeli ezitaladeni
"Siyananzelela ukuthi sebebanengi abantu abathengisa edolobheni lakoBulawayo abangekho emthethweni ,esukucelayo njengedolobho yikuthi abafisa ukuthengisela edolobheni behambe beyethola amaphepha bethole indawo zokuthengisela ezisemthethweni.Besesicela futhi njalo labo abahlezi endaweni ezingayisizo endaweni ezingekho emthethweni ukuthi besuke emgwaqweni."
Abathenga bethengisa bathi akunkwali yaphandela eyinye, vuka uzenzele ngoba walala wasala indlala ingenile.
Forum