Ekusungulweni kwayo ngoZibandlela, inhlanganiso yeMthwakazi Liberation Front (MLF) ayizange ichasise ngokusuthisayo umbala wayo lenjongo yayo.
Inhlanganiso le ibunjwa zinhlanganiso ezitshiyeneyo ezisebenzela esigabeni seMatebeleland njalo zilo zulu weMaNdebeleni enhliziyweni.
Ithi injongo yayo emqoka ngeyokukhankasela ukwehlukaniswa kwesizwe sikaMthwakazi leZimbabwe.
EsikaMthwakazi sigoqela inhlangothi zonke zeMatabeleland kanye leMidlands. Bakhona abathi inhlanganiso le ngeyenkethabetshabi ejonge ukwehlukanisa amaNdebele lamaShona.
Abanye ngabathi akucaci kubo ukuthi le yinyamazana bani - libandla lezombusazwe, yinhlanganiso yomzabalazo nje kumbe...?
Ukuyiphendula yonke limibuzo, sixhume isikhulumeli seMLF uMnu David Magagula yena ochasisa lokuthi kababuyeli muva ngomkhankaso wabo wokwehlukaniswa kweMatabeleland leZimbabwe.
Lalela ingxoxo yethu loMagagula kuhlelo Liphuma Lendaba, Litshone Lendaba.
Nxa kukhona elifuna sikuhlafune kuloluhlelo, sithumeleni i e-mail kukheli ethi studio7@voanews.com. Lingathumela njalo itext message kunombolo ezithi 001 202 465 0318.
