Ukuchothozwa kweziphathamandla zeZanu PF ezincoma umsekeli kaMongameli uMnu Emmerson Mnangagwa okwedlulise amalawulo kuveza sobala ukulwisana kucele lalelibandla elibikwa likhokhelwa nguMnu Mnangagwa, kutsho ingcwethi kwezombusazwe.
Umphathintambo obona ngokwenzakala eMashonaland West uMnu Faber Chidarikire uchothozwe ngamaphephandaba kahulumende ngemva kokuchaza uNkosikazi Mnangagwa njengekhosikazi lesizwe lakuqala okwamanje ngoba umkakhe enguye osaphethe intambo zombuzo.
UMnu Josia Hungwe laye usolwe kakubi kumaviki amabili edluleyo ngemva kokufananisa uMnangagwa loJesu.
Ngalokho inengi selicabangela ukuthi icele likaMnangagwa lingaba selilwisana lona lodwa ngemva kokwehlula icele likaNkosikazi Joice Mujuru.
Kucatshangelwa ukuthi kungaba sokulokudonselana phakathi kukaMnangagwa lomphathintambo obona ngokwethulwa kwembiko uMnu Jonathan Moyo.
Sixhume ingcwethi kwezombusazwe uMnu Brilliant Mhlanga ukuhlaziya loludaba.
