Limemetheka ngamandla igciwane leCOVID-19 eZimbabwe okulabantu abayisithupha ababulewe ngumkhuhlane lo kusukela ngoMqibelo kusiyafika ngeSonto kwatholakala njalo abafika phose amakhulu amathathu – 151 bele Coronavirus.
Uhlangothi lwezempilakahle lubika ukuba kulabantu abafika phose inkulungwane ezintathu – 2,923 abalegciwane leCOVID-19 elizweni.
Umkhuhlane lo sowabulala abedlula kancane inkulungwane lengxenye – 1,672 eZimbabwe okulabantu abedlula inkulungwane ezingamatshumi amane – 41,779 asebehlolwe kusukela ngombimbitho nyakenye batholakala bele COVID-19.
Sekwaphepha abedlula inkulungwane ezingamatshumi amathathu lasikhombisa. Okwamanje uhulumende ubika njalo ukuthi kulabantu abedlula inkulungwane ezingamakhulu ayisikhombisa – 703,065 asebehlatshwe amajekiseni okuzivizela kumkhuhlane weCOVID-19.
EleZimbabwe lisanda kuqinisa iziqondiso zokuvikela uzulu kumkhuhlane lo ezigoqela ukwaliswa kwabantu kuba benze imihlangano, bayebukela imidlalo njalo lokuya emacaweni.