WASHINGTON DC —
Idolobho lakoBulawayo lifikise iminyaka elikhulu lamatshumi amabili lasungulwayo ngeSonto inengi likhala ngokusilela kwemisebenzi njalo lisithi ikusasa lalelidolobho liluvilibana.
Ekhuluma emkhosini oqhutshelwe eCity Hall, uMeya wakoBulawayo uMnu Martin Moyo uthe lanxa lelidolobho libhekane lobunzima, uzulu kumele abambane kuvuselelwe amankampani aqhubeka evalwa ngenxa yokoma komnotho.
Idolobho lakoBulawayo belisaziwa eminyakeni edluleyo njengensika yamafekithali, kodwa ugatsha lukahulumende olweZimbabwe National Statistics Agency luthi lelidolobho yilo eselilabolova ukwedlula amanye amadolobho elizwe.
Ukhansila kaWard 28 koBulawayo uMnu Colert Ndlovu utshele iStudio 7 ukuthi nxa umnotho welizwe ungalungisiswanga ngokuphangisa, idolobho lakoBulawayo lizaqhubeka lisedakeni.
Sixhume njalo isiphathamandla senhlanganiso emela izakhamizi iBulawayo Progressive Residents Association uMnu Ambrose Sibindi othi kuyadanisa ukuthi lelidolobho lifikisa iminyaka elikhulu lamatshumi amabili lisebunzimeni obunje.
Ekhuluma emkhosini oqhutshelwe eCity Hall, uMeya wakoBulawayo uMnu Martin Moyo uthe lanxa lelidolobho libhekane lobunzima, uzulu kumele abambane kuvuselelwe amankampani aqhubeka evalwa ngenxa yokoma komnotho.
Idolobho lakoBulawayo belisaziwa eminyakeni edluleyo njengensika yamafekithali, kodwa ugatsha lukahulumende olweZimbabwe National Statistics Agency luthi lelidolobho yilo eselilabolova ukwedlula amanye amadolobho elizwe.
Ukhansila kaWard 28 koBulawayo uMnu Colert Ndlovu utshele iStudio 7 ukuthi nxa umnotho welizwe ungalungisiswanga ngokuphangisa, idolobho lakoBulawayo lizaqhubeka lisedakeni.
Sixhume njalo isiphathamandla senhlanganiso emela izakhamizi iBulawayo Progressive Residents Association uMnu Ambrose Sibindi othi kuyadanisa ukuthi lelidolobho lifikisa iminyaka elikhulu lamatshumi amabili lisebunzimeni obunje.
