Liwa ngamandla idollar leZimbabwe ibandla elibusayo lisithi lokhu kwenziwa ngabazonda uhulumende kaMongameli Emmerson Mnangagwa.
Okwamanje emkambo omnyama, idollar elilodwa lemelika lithengwa ngamadollar emelika adlula kancane inkulungwane ezilitshumi lantathu – ZW$13,030 kuthi emkambo kahulumende libiza amadolar edlula kancane inkulungwane eziyisificaminwemibili – ZW$8,090.
Abakubandla leZanu PF bathi ukugugudeka kwedollar leZimbabwe kwenziwa ngabazonda ilizwe leli.
Umngciningcebo kahulumende uMnu. Mthuli Ncube uthi idollar ligugudeka ngenxa yokuswelakala kwemali kanye labantu abalisebenzisa butshapha elizweni.
UMnu. Malaki Nkomo owebandla leZanu PF uthi umnotho wakwele Zimbabwe ubhidlizwa ngabantu abazonda ilizwe leli.
Kodwa uMnu. Rejoice Ngwenya ingcwethi kwezenotho okunhlanganiso yeCommon Market for Liberal Solutions uthi kunengi okwenza idollar lingatholakali eZimbabwe njalo ligugudeke isisindo.w
Forum