HARARE —
Inhlanganiso ezilwela ukulondolozwa kwamalungelo kazulu ziphawule okusemthethweni iReport ekhuthaza uhulumende weZimbabwe, ukuba aphange abeke ezikhundleni abamele baqhube umsebenzi kukhomishini ye Zimbabwe Human Rights Commission kanye lokuba ibekwe imithetho ezaphathisa ukusebenza kohlangothi olubona ngezokulondolozwa kokuthula elizweni olwe National Peace and Reconciliation kanye labazaqhuba umsebenzi ngaphansi kwe Gender Commission.
Le i-Report eyethulwe emkhosini owenzelwe eweteleni ye Meikles Hotel ngoLwesihlanu ekuseni, ibikwa ihlose ukuhlaziya ukuba uhulumende uyazilandela na izixwayiso ezenziwa kusukela ngo2011 kusiyafika ngoZibandlela lonyaka, uhulumende azemukelayo ngaphansi kwe Zimbabwe's Universal Periodic Review, lapho abenhlanganiso lezi bakhankasela njalo ukuba inhlangothi okubalisa olwe Anti- Corruption Commission kanye le Zimbabwe Media Commission ukuba zitholiswe imali eyanelayo.
Umqondisi we Zimbabwe Human Rights NGO Forum, okungenye yenhlanganiso ezintathu ezibalisa eye Zimbabwe Lawyers for Human Rights kanye leye National Association of Non - Governmental Organisations, umnumzana Abel Chikomo nguye ophawule liReport okusemthethweni.
Ukhuthaze zonke inhlanganiso uChikomo eziphatheke kulomsebenzi wokubona ngokulondolozwa jwelungelo loluntu ukuba zisebenzelane ekuthini uhulumende anelise ukuzamukela zonke izixwayiso okumele azamukele.
Abohlangathi lomanyano wamazwe omhlaba ngaphansi kwe United Nations Human Rights Council ( UNHRC ) babekela amazwe wonke angamalunga izixwayiso ezilikhulu lamatshumi ayisikhombisa lasikhombisa- 177, okumele zamukelwe ngohulumende laba besekusethulwa leReport etsho ukuba aqhuba njani sikhathi sonke ekupheleni kweminyaka emine.
Kodwa uhulumende we Zimbabwe ubikwa wemukela ezilikhulu lamatshumi amathathu ( 130 ) kuphela kusitsho ukuba phose amatshumi amahlanu azo ( 47 ) kusamele ukuba uhulumende azemukele.
Unkosazana Hlengiwe Dube ubona ngezemisebenzi yohlangothi lokucubungula ezokwethulwa kwezindaba elizweni enhlanganisweni ye Media Monitoring Project Zimbabwe uthi lanxa ibukeka liReport, kusesekhona okumele kwenziwe kundaba zokuthapha izindaba okubalisa ukuguqula imithetho engumgoqo ekuphatheni umsebenzi okubalisa owe POSA lowe AIPPA.
Wengeza ethi ulomsebenzi omkhulu wokufeza okumunyethwe yile Report uhulumende nxa engamukela konke okumunyethwe yiyo njengoba uyabe sewazinikela ukuzigcwalisa izixwayiso ezizaphathisa ukulondolza ilungelo loluntu okubalisa ezempilakahle kakhulu omama ngesikhathi bezithwele kanye leyabantwana.
Umnumzana Vumani Ndlovu ngunobhala jikelele enhlanganisweni ye NANGO esigabeni seWestern Region ebalisa iBulawayo, Matebeleland South le Matebeleland North ebona njalo ngezokuqhutshwa kwenhlelo enhlanganisweni ye Rural Communities Empowerment Trust. Uthi kukhona uhulumende akuthembisayo ukuba uzakulungisa ekuthini kuphele ukufuthelana elizweni lanxa okunye kwakho lokhe kungokukhulunywa ngakho.
Umhlangano wangoLwesihlanu wokuphawulwa okusemthethweni liReport wenziwe ngenjongo yokuba amalunga enhlanganiso eziphatheke kulomsebenzi, zibonisane ngamacebo phezu kokungenziwa ekuthini ufezeke umsebenzi wokukhuthaza uhulumende ukuthi azinikele kikho konke okwavunyelanwayo kudaba lokulondolozwa kwelungelo loluntu.
Kunje inani lenhlanganiso eziphatheke kulomsebenzi wokukhankasela ukulondolozwa kwelungelo loluntu eZimbabwe libikwa seliqanse lisuka kumatshumi amabili lasitshiyagalolunye ( 29 ) ngesikhathi uqalwa lumsebenzi ngomnyaka ka 2011 laya kumatshumi amahlanu lanye ( 51 ).
Umumo kwezokulondolozwa kwamalungelo oluntu eZimbabwe uke wahlaziywa ngenyanga ka Mpandula ngomnyaka ka 2011 njalo ukhangelelwe ukuhlaziywa njalo ngomnyka ka 2016.
Le i-Report eyethulwe emkhosini owenzelwe eweteleni ye Meikles Hotel ngoLwesihlanu ekuseni, ibikwa ihlose ukuhlaziya ukuba uhulumende uyazilandela na izixwayiso ezenziwa kusukela ngo2011 kusiyafika ngoZibandlela lonyaka, uhulumende azemukelayo ngaphansi kwe Zimbabwe's Universal Periodic Review, lapho abenhlanganiso lezi bakhankasela njalo ukuba inhlangothi okubalisa olwe Anti- Corruption Commission kanye le Zimbabwe Media Commission ukuba zitholiswe imali eyanelayo.
Umqondisi we Zimbabwe Human Rights NGO Forum, okungenye yenhlanganiso ezintathu ezibalisa eye Zimbabwe Lawyers for Human Rights kanye leye National Association of Non - Governmental Organisations, umnumzana Abel Chikomo nguye ophawule liReport okusemthethweni.
Ukhuthaze zonke inhlanganiso uChikomo eziphatheke kulomsebenzi wokubona ngokulondolozwa jwelungelo loluntu ukuba zisebenzelane ekuthini uhulumende anelise ukuzamukela zonke izixwayiso okumele azamukele.
Abohlangathi lomanyano wamazwe omhlaba ngaphansi kwe United Nations Human Rights Council ( UNHRC ) babekela amazwe wonke angamalunga izixwayiso ezilikhulu lamatshumi ayisikhombisa lasikhombisa- 177, okumele zamukelwe ngohulumende laba besekusethulwa leReport etsho ukuba aqhuba njani sikhathi sonke ekupheleni kweminyaka emine.
Kodwa uhulumende we Zimbabwe ubikwa wemukela ezilikhulu lamatshumi amathathu ( 130 ) kuphela kusitsho ukuba phose amatshumi amahlanu azo ( 47 ) kusamele ukuba uhulumende azemukele.
Unkosazana Hlengiwe Dube ubona ngezemisebenzi yohlangothi lokucubungula ezokwethulwa kwezindaba elizweni enhlanganisweni ye Media Monitoring Project Zimbabwe uthi lanxa ibukeka liReport, kusesekhona okumele kwenziwe kundaba zokuthapha izindaba okubalisa ukuguqula imithetho engumgoqo ekuphatheni umsebenzi okubalisa owe POSA lowe AIPPA.
Wengeza ethi ulomsebenzi omkhulu wokufeza okumunyethwe yile Report uhulumende nxa engamukela konke okumunyethwe yiyo njengoba uyabe sewazinikela ukuzigcwalisa izixwayiso ezizaphathisa ukulondolza ilungelo loluntu okubalisa ezempilakahle kakhulu omama ngesikhathi bezithwele kanye leyabantwana.
Umnumzana Vumani Ndlovu ngunobhala jikelele enhlanganisweni ye NANGO esigabeni seWestern Region ebalisa iBulawayo, Matebeleland South le Matebeleland North ebona njalo ngezokuqhutshwa kwenhlelo enhlanganisweni ye Rural Communities Empowerment Trust. Uthi kukhona uhulumende akuthembisayo ukuba uzakulungisa ekuthini kuphele ukufuthelana elizweni lanxa okunye kwakho lokhe kungokukhulunywa ngakho.
Umhlangano wangoLwesihlanu wokuphawulwa okusemthethweni liReport wenziwe ngenjongo yokuba amalunga enhlanganiso eziphatheke kulomsebenzi, zibonisane ngamacebo phezu kokungenziwa ekuthini ufezeke umsebenzi wokukhuthaza uhulumende ukuthi azinikele kikho konke okwavunyelanwayo kudaba lokulondolozwa kwelungelo loluntu.
Kunje inani lenhlanganiso eziphatheke kulomsebenzi wokukhankasela ukulondolozwa kwelungelo loluntu eZimbabwe libikwa seliqanse lisuka kumatshumi amabili lasitshiyagalolunye ( 29 ) ngesikhathi uqalwa lumsebenzi ngomnyaka ka 2011 laya kumatshumi amahlanu lanye ( 51 ).
Umumo kwezokulondolozwa kwamalungelo oluntu eZimbabwe uke wahlaziywa ngenyanga ka Mpandula ngomnyaka ka 2011 njalo ukhangelelwe ukuhlaziywa njalo ngomnyka ka 2016.