Sokubunjwe ibandla lezombusazwe elitsha elithiwa “Mthwakazi Liberation Front” elikhuthaza ukuzibusa kwesigaba seMandebeleni.
Okhokhela leli bandla nguMnumzana Fidelis Ncube owayeyisiphathamandla sevuyo lebutho labalwa impi yenkululeko ele Zimbabwe Peoples Revolutionary Army-ZIPRA. Inengi lenkokheli yebandla, ayengamalunga abalwa impi yenkululeko beku ZIPRA, abafana loMnumzana Max Mnkandla umqondisi wenhlanganiso ye Zimbabwe Liberators Platform Peace Initiative.
UBrenda Moyo weStudio 7 ukhulume lomgcinisihlalo walelibandla uMnumzana Crispen Nyoni, ochasisa ukuthi ibandla lakhe alila nkethabetshabi.
