WASHINGTON DC —
Amabandla ezombusazwe amatsha atshele umhlangano, owe All Stakeholders Review Conference on the 2013 Referendum and Harmonised Elections, ukuba abezindaba kanye labalondoloza ukuthula betshengise usekelo lwabo kumabanda abunjwa kudala ngesikhathi ukhetho lwanyakanye luqhutshwa. Lokhu bathi ngokunye kokubangele ukuba lamabandla athole isiphatho esehlukeneyo, ukungalinganiswa kwamathuba ngesikhathi ilizwe lilungiselela ukhetho, lapho luqhutshwa lalapho lusanda kuphela.
Abangena lumhlanganweni owenzelwa e Harare International Conference Centre, oqoqwe ngabenhlanganiso ebona ngezokuqhutshwa kokhetho elizweni eye Zimbabwe Electoral Commission, bavumelene ukuba usemkhulu umsebenzi wokwenza kube lenguquko kundlela abezindaba labalondoloza ukuthula kakhulukazi amapholisa, baziphatha ngayo ngesikhathi sokhetho elizweni.
Umnumzana Sambulelo Tshabangu obona ngezokuqhutshwa komsebenzi ebandleni le People's Democratic Union uthi lanxa uncomeka umsebenzi owenziwe zintathelizindaba ngesikhathi sokhetho lwe Referendum, kuyasoleka ukwenza kwamankampani manye ngesikhathi kuqhutshwa ukhetho lukamhlaka 31 Ntulikazi nyakenye.
UTshabangu uveze njalo ukuba bekusobala ma kukhangelwa indlela intathelizindaba beziloba ngazo ukuba bezithatha uhlangothi, zisebenzisa amagama angalunganga okutshotshozela inzondano phakathi kwenkokheli labalandeli bamabandla ezombusazwe elizweni.
Enye yegcwethi efundisa ezokuthapha izindaba ekolitshini le National University of Science and Technology ( NUST ), u Dr Lawton Hikwa uthi ziwuphathe ngendlela intathelizindaba umsebenzi wazo lanxa beziphosisa lapha lalaphaya kungani bathatha icele kumabandla ezombusazwe.
Ukusetshenziswa kwamagama angalunganga wokuthuka uHikwa uthi ngokunye obekutshotshozelwa ngezinye zentathelizindaba ngesikhathi sokhetho.
Ababona ngezokulondolozwa kokuthula elizweni abagoqela amapholisa eZRP labo bangene lumhlangano wokudinga zokulungisisa inkinga ezihlanganwe lazo ngesikhathi sokhetho lwanyakenye kusukela ngesikhathi se Referendum lalapho kudingwa inkokheli zikahulumende.
U Seniour Assistant Commissioner Lee Muchemwa utshele lumhlangano ukuba umsebenzi wamapholisa yikulondoloza ukuthula lokuvikela izizalwane zonke zelizwe kungakhathalekile ukuba ngezaliphi ibandla lanxa amanye amalunga ezombusazwe ebephikisana lakho.
Kuvunyelenwe kulomhlangano ukuba lanxa abezindaba beqakathekile sikhathi sonke kakhulukazi ngesikhathi sokhetho, bamele baphathe umsebenzi wabo ngendlela eyiyo, batholise amabandla wonke amathuba afanayo kungathathwa hlangothi njalo behlukane lomkhuba wokutshotshozela inzondano phakathi kwenkokheli labalandeli amabandla ezombusazwe.
Kuthi abe ZEC bona bakhuthazwe ukuba babotholisa abezindaba laba lonke ulwazi phezu kokwenzakalayo isikhathi sisesekhona njalo basebenzelane labo kikho konke ukuze uzulu atholiswe ulwazi phezu kokwenzakalayo sikhathi sonke kusukela ukhetho lulungiselelwa lalapho seluphelile.
Abangena lumhlanganweni owenzelwa e Harare International Conference Centre, oqoqwe ngabenhlanganiso ebona ngezokuqhutshwa kokhetho elizweni eye Zimbabwe Electoral Commission, bavumelene ukuba usemkhulu umsebenzi wokwenza kube lenguquko kundlela abezindaba labalondoloza ukuthula kakhulukazi amapholisa, baziphatha ngayo ngesikhathi sokhetho elizweni.
Umnumzana Sambulelo Tshabangu obona ngezokuqhutshwa komsebenzi ebandleni le People's Democratic Union uthi lanxa uncomeka umsebenzi owenziwe zintathelizindaba ngesikhathi sokhetho lwe Referendum, kuyasoleka ukwenza kwamankampani manye ngesikhathi kuqhutshwa ukhetho lukamhlaka 31 Ntulikazi nyakenye.
UTshabangu uveze njalo ukuba bekusobala ma kukhangelwa indlela intathelizindaba beziloba ngazo ukuba bezithatha uhlangothi, zisebenzisa amagama angalunganga okutshotshozela inzondano phakathi kwenkokheli labalandeli bamabandla ezombusazwe elizweni.
Enye yegcwethi efundisa ezokuthapha izindaba ekolitshini le National University of Science and Technology ( NUST ), u Dr Lawton Hikwa uthi ziwuphathe ngendlela intathelizindaba umsebenzi wazo lanxa beziphosisa lapha lalaphaya kungani bathatha icele kumabandla ezombusazwe.
Ukusetshenziswa kwamagama angalunganga wokuthuka uHikwa uthi ngokunye obekutshotshozelwa ngezinye zentathelizindaba ngesikhathi sokhetho.
Ababona ngezokulondolozwa kokuthula elizweni abagoqela amapholisa eZRP labo bangene lumhlangano wokudinga zokulungisisa inkinga ezihlanganwe lazo ngesikhathi sokhetho lwanyakenye kusukela ngesikhathi se Referendum lalapho kudingwa inkokheli zikahulumende.
U Seniour Assistant Commissioner Lee Muchemwa utshele lumhlangano ukuba umsebenzi wamapholisa yikulondoloza ukuthula lokuvikela izizalwane zonke zelizwe kungakhathalekile ukuba ngezaliphi ibandla lanxa amanye amalunga ezombusazwe ebephikisana lakho.
Kuvunyelenwe kulomhlangano ukuba lanxa abezindaba beqakathekile sikhathi sonke kakhulukazi ngesikhathi sokhetho, bamele baphathe umsebenzi wabo ngendlela eyiyo, batholise amabandla wonke amathuba afanayo kungathathwa hlangothi njalo behlukane lomkhuba wokutshotshozela inzondano phakathi kwenkokheli labalandeli amabandla ezombusazwe.
Kuthi abe ZEC bona bakhuthazwe ukuba babotholisa abezindaba laba lonke ulwazi phezu kokwenzakalayo isikhathi sisesekhona njalo basebenzelane labo kikho konke ukuze uzulu atholiswe ulwazi phezu kokwenzakalayo sikhathi sonke kusukela ukhetho lulungiselelwa lalapho seluphelile.