Kuyaxokoxela kubandla leZanu PF amakhulu amalunga efuna ukuncintsa kukhetho lokudinga amalunga edale lephalamende.
Abanye asebeleminyaka besedale lephalamende, abafana loMnu. Obert Mpofu bathi kabasoze bancintise.
Esigabeni seMatabeleland North kulabafika amakhulu amathathu abafuna ukuncintisa kulesi sigaba esilezihlalo ezintathu kuphela.
Umphathintambo wezobudlelwano lamanye amazwe, uMnu. Sibusiso Moyo uzancintisa isikhundla sokuba ngu senetha we Mberengwa.
Umsekeli kamgcinisihlalo we ZIFA, uMnu. Omega Sibanda ufuna ukuncintisa isikhundla sesigaba se Vhungu e Lower Gweru, kuthi umgcinisihlalo wenhlanganiso efanayo, uMnu. Phillip Chiyangwa udinga ukuncintisa esigabeni se Zvimba South.
Esigabeni se Nyanga South, uMnu. Supa Mandiwanzira usezancintisa kulesi sigaba kulandela ukusuka komunye kade efuna ukuncintisa isikhundla sinye.
Esinye isinqumo sokuncintisa sithi kumele kube lowesifazane oyedwa oleminyaka ephansi kwamatshumi amathathu lanhlan ngasigaba sinye.
Izigaba zonke zelizwe ziyaxokozela ngabafuna ukuncintisa. Ukuhlaziya loludaba sixoxe lengcwethi ecubungula ezombusazwe, uMnu. Nkululeko Sibanda saqalA ngokumbuza ukuthi ubunengi babantu abafuna ukuncintisa kungaba kutshengisani?
“Ngibona ingani umuntu wonke ozithatha azenze umkhokheli wezombusazwe kusamele azinuke amakhwapha ngoba phela kutshengisa ukuthi akusela muntu othemba omunye,” kutsho uSibanda.
