Kuhlelo Woza Friday kuliviki silomculi wako Bulawayo osakhulayo uQeqetshiwe Mntambo yena ke ucula imdumo etshiyeneyo iAfro Soul, Afro Jazz le Houz music.
UQeqetshiwe udume ngegama lokuthi Qeqe yena uzalelwe eMantanjeni eMbembesi, wakhulela koBulawayo wasesiya eBording School eGeorge Silundika High School evele ethanda ezomculo.
"Ngiqale ezomculo kudala ngisase sikolo, senza amaDrama Club senza ama group, ngangikuchoir. Ngaqhubeka ngemfundo yami ngaya eBambatha Actor Center,yikho lapha esaqalisa khona sidirector ngu Stix Mhlanga. Ngaqhubeka ngastudy iart. Kwakuyiyo into engangifuna ukuyenza empilweni yami."
UQeqetshiwe uke wayacula ezekwazi leEurope lase United States emnyakeni ethize edlulileyo lapho ajabulelwa ngabantu abanengi, yenake usebenza labanye abaculi abatshiyeneyo
"Sebenza leMkhathi, ngisebenze le producer abe Inity studios, ngasenza no Knowledge ngasebenza no DaLuke engomeni yethu entsha. Zonke lezingoma zikhona kusingles collection album. Ngasebenza noMdu Sivani khathesi bengisebenza le Jam Session Band elamamembers ayi 5. Sitshayi jazz sidibanisa labo Reggae sidibanisa labo houz."
Kukhona abamenza wabalomdlandla wokucula uQeqe okwamenza wapheka owakhe laye umculo.
"Okwakathesi ngilesingles collection album elengoma eziyi 8. Sonke iskhathi kuTV ngibukela abantu aba actoryo. Ngangijayele ukubona uBrenda Fassie then ngithe sengikhulakhulile ngalandela amaroots ami, oSimphiwe Dana oThandiswa Mazwai, oSipokazi nabo Lira, babehlabela nje umculo engangiwuthanda. I first project yami ngasebenza le Man at Work jazz band yiyo iband engangisebenza nayo eyangirecordela u Kumnyama ifirst single yami.
Ulelizwi kubalaleli engakahambi lokuthi umculo wakhe utholakala ngaphi?
"Ingoma zami ziyatholakala on Spotify, ngu Qeqeshiwe Mtambo, Youtube, Facebook, on Instagram and on Twitter. Ngiyazithengisa futhi via CD or ecocash or any ndlela umuntu ofisa ngayo ukuthi ingoma ayithole and ingoma engizenzayo ngenza ingoma engifunukuthi zibe ngezomuntu wonke yizo ingoma zami ezithemba. Ezibisa ubuhlungu kodwa zilethemba ekucineni."
Uphethe Iqhaga loluju uQeqe, uyaqeqetshisa uQeqetshiwe Mntambo nguye ebesilaye kuhlelo Woza Friday.
