Umbukiso omkhulu wabakumsebenzi wokulotshwa lokudindwa kwamabhuku, owe Zimbabwe International Book Fair uvulele abantu amasango ngoLwesithathu, kubukiswa imisebenzi etshiyeneyo. Leli bekulilanga njalo lokuthengiselana kwabamabhuku labawalungisayo.
Unkosazana Progress Nigwa owenhlanganiso edinda amabhuku eko Bulawayo eye Progressive Publishers uthi umsebenzi unzima okwamanje ngoba abantu bekhanya bengalayo imali yokuthenga amabhuku.
“Enye I challenge esilayo yikuthi laku ma sponsors khathesi asila.Angitsho uyabona ukuthi kudala lo hulumende laye waengenela enikeza I sponsorship Kodwa khathesi akusekho.”
Umnumzana Meluleki Mukwebo wenkampani yamabhuku eye College Press, ikakhulu asetshenziswa ezikolo, uthi ibhizimusi iphansi kakhulu lonyaka kuqathaniswa lanyakenye ngesikhathi esifanayo.
“Ku ma sciences sila mabhuku anje ngabo mathematics ,geography ,agriculture sikhangelela njalo ukuthi ku science lapha sibe sesilamabhuku angafika ku grade seven njengoba engakapheli so sikhangelela ukuthi umnyaka usiyaphela azabe sekhona lawo.”
Ngaphandle kwalawo awabethileyo ibhuku asebelalo ngelithiwa ‘Isicazamazwi’ okuli dictionary lesiNdebele.
Umnumzana Rejoice Ngwenya ingcwethi kwezenotho, wenhlanganiso ye Comaliso uthi ubukisa amacebo akhe kuhlelo oluthiwa My Liberal Africa kudaba lwezomnoth kuleli zwekazi:
“Nxa sikhangela umnotho we Africa ubhidlizeka ngoba ohulumende be Africa bavame ukungenela kakhulu so nxa sikhuluma nge liberal idea sikhuluma ngomnotho osebenza emsikeni ovulekileyo uhulumende engekho ukutshela amabhizimusi ukuthi yenzani lokhu yenzani lokhu.”
Umnumzana Emmanuel Choga umela inhlanganiso ye Okello efundisa ebulenjini.
“Sila ma ebooks, sile school management system sibe le revision yabantwana kulandelwa I curriculum. Abantwana baphathiseka ngokuhlanganisa I technology loku funda kulokudlala ama games kuphela uyakwanisa ukufunda ku cellphone kumbe ku computer yakho.”
Abanye abakade bekulumbukiso bagoqela abe City of Harare, abe Zimsec abalwisana lobuqili kwezemihloliso, abesonto yesi Katholika abakade bephakamisa uhlelo lwabo lokulwisana lomkhuba wokukhipha isisu, abe New Hope, abalobi bamabhuku ezokholo, abenhlanganiso yezisebenzi eyeZCTU labanye.
